Cantigas Medievais

No ano 2012 o coro de voces brancas Cantar delas abordamos o proxecto de interpretar un repertorio fundamental -e pouco coñecido- da música galega, como son as cantigas medievais.

Con esta intención empezamos a preparar un concerto cunha pequena escolma das cantigas de Santa María de Alfonso X, e das cantigas de amigo de Martín Codax.

Para axeitar máis aos nosos tempos a sonoridade desta música, monódica na sús orixe, solicitamos a colaboración do grupo de música tradicional Tundal, que elaboraron uns arranxos para cada unha das pezas, dándolles o carácter de música culta e popular a un tempo, como era nos séculos XIII e XIV, cando naceron estas pezas.

Resultado desta xuntanza saíron unha serie de concertos que amosaron pola provincia de Lugo a gran riqueza musical que posuímos os galegos: a música das cantigas medievais.

FOTOGRAFÍAS DOS CONCERTOS

GRAVACIÓN CONCERTO (LUGO, 13/10/2012)

PUBLICACIÓN CANTIGAS MEDIEVAIS

DÍPTICO "QUANTAS SABEDES AMAR". CASA DA CULTURA "OLGA NOVO", POBRA DE BROLLÓN (04/11/2012)
DÍPTICO "QUANTAS SABEDES AMAR". CATEDRAL DE MONDOÑEDO (02/12/2012)

 

TUNDAL:
Antón Castro: zanfona, mandolina
Manuel Darriba: acordeón
Pedro Lucas: frauta
Miguel Díaz: clarinete, frautas
Xoán Fuertes: violín, oud, bouzouki
Xosé Luís Ansemil: percusión

CORO:
Cantar Delas
Dir.: Fernando G. Jácome

Narración: Tareixa Campo (Grupo de teatro ACHÁDEGO)