FIN DE CURSO 2025
Lun, 14/07/2025 - 12:17
O día 30 de xuño, celebramos o fin de curso da nosa coral, cunha xornada de convivencia na Ribeira Sacra. Esta fermosa zona está situada entre a provincia de Lugo e Ourense e está bañada polos ríos Miño, Sil e Cabe. É un lugar espectacular para pasar un día de convivencia.
O día 7 de xuño de 2025 Cantar Delas levou á Pobra do Brollón o seu proxecto musical CANTOS DE RAÍZ. DA RAÍZ DO CANTO coa colaboración da Coral Polifónica da Escola Tradicional de Música de Samoedo, para rendir homenaxe á literatura popular oral creada, conservada e transmitida polas cantareiras a través dos Cantos de raíz.
O día 1 de xuño de 2025, na praza Vergara Vilariño de Samos, tivo lugar un acto musical, para celebrar as raíces da música tradicional galega, coa participación de Cantar Delas e a colaboración de As Pandeireiteiras de Samos.
O 25 de maio, na Capela de Santa María de Lugo, ás 19:00 h, Cantar Delas coa colaboración das Cantareiras da A.C. de Cantigas e Frores renderon homenaxe á tradición e a memoria colectiva galega, co concerto titulado Cantos de raíz, da raíz do canto.
GRÂNDOLA, VILA MORENA
O día 1 de marzo, Cantar Delas, ofreceu o primeiro concerto do seu novo proxecto musical “Cantos de raíz. Da raíz do canto” no que se inclúen pezas tradicionais que foron transmitidas a través da música popular ademais doutras composicións nas que as mulleres ocupan un papel fundamental na conservación e anovación da música popular.
PANXOLIÑAS NA RÚA
O día 23 de novembro ás 13:00 horas, foi a celebración de Santa Icía, patroa da música, nun acto celebrado na Catedral de Santa María de Lugo que consistiu na celebración dunha Eucaristía Solemne, na que participaron con seus cantos relixiosos as seguintes corais: Coral dos Amigos do Camiño, Coral Xolda, Coro do Hospital, Coro de San Francisco Javier, Orfeón Lucense e Cantar Delas.